“Tuwılǵan úlkeniń jıllı nápesi” atlı kórgizbesi
![](/storage/uploads/LNqbs2zH1aa9qXISTajcHON5IZE5iL-metacGhvdG9fMjAyNC0wMS0wNV8xNi00MC0xNi5qcGc=-.jpg)
Búgin Qaraqalpaqstan Respublikası I.V.Savickiy atındaǵı mámleketlik kórkem-óner muzeyinde xudojnik Islam Jaqsıbaevtiń “Tuwılǵan úlkeniń jıllı nápesi” atlı kórgizbesi bolıp ótti.
Islam Jaqsıbaev 1943-jıl Nókis qalasında tuwılǵan. 1962-jılı ol Pavel Benkov atındaǵı Respublika kórkem-óner bilim jurtına oqıwǵa kiredi, al 1968-jılı bolsa A.Ostrovskiy atındaǵı Tashkent mámleketlik teatr hám kórkem-óner institutınıń studenti boladı. 1973-jıl Jaqsıbaev instituttı tamamlap, Ózbekstan SSR kórkem-óner fondınıń islep shıǵarıwshı ustaxanalarında xudojnik-dóretiwshi bolıp isleydi. Sol jıllarda Islam Jaqsıbaev Igor Savickiy menen tanısadı, Savickiy onıń dóretpelerin muzey ushın satıp alıwdı baslaydı.
Xudojnik Islam Jaqsıbaev 1960-1980 jıllarda Qaraqalpaqstan suwretlew kórkem-óner mektebiniń qáliplesiwinde óziniń úlken úlesin qosqan xudojniklerdiń biri bolıp tabıladı.
Qaraqalpaqstan Respublikası I.V.Savickiy atındaǵı mámleketlik kórkem-óner muzeyinıń Málimleme xızmeti
Date
05.01.2024
Time
00:00
Локация:
Музей имени Савицкого
Published: 12:36, 6 января, 2024 • 232